பாடி மகிழ்வோம்.

பலூன் வாங்குவோம் - நாம்

பலூன் வாங்குவோம்

வண்ண வண்ணப் பலூன் வாங்கி

ஆடிப் பாடுவோம் - பலூன்

பச்சை நிறப் பலூன் - இது

பாங்காக ஊதுவோம்

மஞ்சள் நிற பலூன் இது

மாயவித்தை காட்டுவோம் - பலூன்

சிவப்பு வண்ண பலூனாம்

சிரித்து நாங்கள் ஊதுவோம்

நீல வண்ணப் பலூனாம்

நீளமாக ஊதுவோம் - பலூன்

கறுப்பு வெள்ளை ஊதா

கண்ணைக் கவரும் வண்ணங்கள்

கொத்துக் கொத்தாய்த் தொங்குமே

கோலவித்தை காட்டுமே - பலூன்

- மனே