நான் கூறுவதைக் கேளுங்கள்

ஒரு நாள் உணவை உண்ணாமல் உங்களால் இருக்கமுடியும். ஆனால், நான் இல்லாமல் உங்களால் வாழ முடியாது. நான் யாரென்று தெரியவில்லையா? சூடு, குளிர், மழை, வெயில் போன்றவற்றில் இருந்து உங்களின் உடலை பாதுகாப்பது நானே. உங்கள் உடலைச் சுத்தமாக வைத்திருக்கவும் நான்தான் உதவுகின்றேன். அதுமட்டுமா? உங்களை அழகாக வைத்திருப்பதும் நான்தான். கம்பளி, பருத்தி, பட்டு, நைலோன் யாவரும் என் இனத்தவர்களே.

- வெய்யில் காலத்தில் உங்களுக்கு உதவுவது பருத்தி.

- குளிரைப் போக்கக் கம்பளி.

- விழாக் காலங்களுக்கும் கொண்டாட்ட தினங்களுக்கும் பட்டு, நைலோன்.

பல வண்ண நிறங்களிலும், பல வண்ண வடிவங்களிலும் நான் உங்களுக்கு உதவி வருகின்றேன்.

பாடசாலை மாணவர்கள், தாதிகள், பொலிஸ் படையினர், காவற்துறையினர் சீருடையாக என்னைப் பயன்படுத்துகின்றனர். என்ன? இன்னமும் உங்களுக்குப் புரியவில்லையா? "நான்தான் நீங்கள் அணிந்திருக்கும் உடை". இப்பொழுது சொல்லுங்கள், நான் உங்களுக்கு மிகவும் முக்கியம் அல்லவா?

நாம் பயன்படுத்தும் அழகுப் பொருட்கள்

சொற்களை வாசிப்போம்.