கொய்யா மரத்தில் இருந்த அணில் ஒரு பழத்தைத் கடித்து தின்றது. அதன் அருகே புழு ஒன்று இலையைத் தின்று கொண்டிருந்தது.

அணில், புழுவிடம்"நண்பா! வா விளையாடலாம்" என்றது. ஆனால், புழு பேசவில்லை.

இலையைத் தின்று கொண்டே இருந்தது. அப்போது அங்கே தேனீ ஒன்று வந்தது. புழுவைப் பார்த்தது. "இப்படித் தின்றுகொண்டே இருந்தால் பருத்து விடுவாய். உன்னால் அசையக்கூட முடியாது. என்னைப் பார். நான் சிறிதாக இருப்பதால் இலகுவாகப் பறக்க முடிகிறது" என்றது. புழு ஒன்றுமே பேசவில்லை. இலையைத் தின்று கொண்டே இருந்தது

புழுவின் உடல் பருத்தது. நிறம் மாறியது. நாட்கள் சில சென்றன. அணிலும் தேனீயும் புழுவைத் தேடின. ஆனால் புழு இருந்த இடத்தில் ஒரு கூடு இருப்பதைக் கவனித்தன. புழுவிற்கு என்ன நடந்தது என யோசித்தன. அப்போது ~டப்| என்ற சத்தம் கேட்டது. என்ன ஆச்சரியம்! அதிலிருந்து வண்ணச் சிறகுகளுடன் பூச்சி ஒன்று வெளியே வந்தது. அதன் சிறகுகள் விரிந்தன. பூச்சி வண்ணம் கொண்டு வானில் பறந்தது.

"ஆ................. வண்ணத்துபூச்சி!" என்ன அழகாக வானில் பறக்கிறது!